एक प्राचीन राष्ट्र म्हणून भारताची जगात ओळख आहे. प्राचीन काळात देश विदेशातील संशोधक तक्षशिला आणि नालंदा विद्यापीठात अध्ययन करण्याकरिता येत असत. या विद्यापीठांच्या ग्रंथालयात विविध विषयांवरील समकालीन ज्ञान संग्रहित करण्यात आले होते. परंतु परकीय आक्रमणांमुळे या महान विद्यापीठांचा नाश झाला आणि येथील दुर्मिळ ग्रंथ संपदा नष्ट झाली. परंतु आजही अनेक संस्थांकडे विविध दुर्लभ साहित्य त्यांच्या ग्रंथालयात सुरक्षित आहे. या दुर्मिळ साहित्याला लोकांपर्यंत पोहचविण्याची आवश्यकता आहे.

सिपना शिक्षण प्रसारक मंडळाचे अध्यक्ष, श्री. जगदीश गुप्ता हे वाचनाची आवड असणारे व्यक्तिमत्व असून प्राचीन ज्ञानाबद्दल जाणून घेण्याचा त्यांचा नेहमीच प्रयत्न असतो. त्यांचे मित्र व अमरावतीतील एक प्रतिष्ठित व्यक्तिमत्व श्री. सुधीरजी भिवापूरकर यांनी त्यांचेकडे असलेल्या १०७ प्राचीन आणि दुर्मिळ ग्रंथांचा संग्रह सिपना शिक्षण प्रसारक मंडळाला भेट दिला.

या ग्रंथांचे जतन करून हे ग्रंथ अभ्यासक व संशोधकांना उपलब्ध करून देण्याकरिता श्री. जगदीश गुप्ता यांनी या ग्रंथांचे डिजिटायझेशन करण्याचा निर्णय घेतला आणि त्यासाठी आवश्यक डिजिटायझेशन उपकरणे खरेदी केले. या डिजिटायझेशन प्रकल्पांतर्गत सुमारे ४५००० पृष्ठे स्कॅन केली गेलीत. हे सर्व ग्रंथ Sipna Digital Archive या संकेत स्थळावर डिजिटल स्वरूपात उपलब्ध करण्यात आले आहेत. सिपना डिजिटल अर्काइव्ह- हा भारताच्या प्राचीन विज्ञान, तंत्रज्ञान, भाषाशास्त्र, योग, कला साहित्य , संस्कृती, व्यवस्थापन शास्त्र व प्रशासन इत्यादी विषयांवरील पारंपारिक ज्ञानाचा समावेश असलेल्या लिखित साहित्याचा डिजिटल स्वरूपातील संग्रह आहे.

सिपना डिजिटल अर्काइव्ह- हा भारताच्या प्राचीन विज्ञान, तंत्रज्ञान, भाषाशास्त्र, योग, कला साहित्य , संस्कृती, व्यवस्थापन शास्त्र व प्रशासन इत्यादी विषयांवरील पारंपारिक ज्ञानाचा समावेश असलेल्या लिखित साहित्याचा डिजिटल स्वरूपातील संग्रह आहे.